Pas përplasjeve që ish-shefi i Antidrogës shqiptare Dritan Zagani pati në vendin tonë me ish-ministrin e Brendshëm Saimir Tahiri, Zagani u strehua në Zvicër.
Para një jave Zaganit iu aprovua statusi i ‘azilit politik’.
Ambasada shqiptare në Zvicër me kërkesë të autoriteteve shqiptare kishte kërkuar nga autoritetet zviceriane ekstradimin e Dritan Zaganit.
Autoritetet zviceriane pas verifikimeve të kryera e kanë refuzuar kërkesën e ambasadës shqiptare për të ekstraduar Zaganin pasi ky i fundit ka fituar azilin politik.
Letra e siguruar nga Hashtag.al mban datën 29 mars 2017 dhe shkruhet:
Kjo zyrë informon Ambasadën se pas verifikimit të dokumentave, ekstradimi i Zagani Dritan, është refuzuar në bazë të ligjit të brendshëm zvicerian dhe në parimin e mos-kthimit.