“Edhe Enver Hoxha do ta kishte zili Albin Kurtin për demagogjinë e tij”. Kështu u shpreh sot analisti Milaim Zeka në një lidhje Skype për edicionin e lajmeve të MCN TV teksa fliste për reciprocitetin Kosovë-Serbi. Sipas Zekës dërgimi i forcave speciale në veri të Kosovës ishte aventura e fundit e Albin Kurtit, pasi siç u shpreh ai nuk u dërguan për të zhbllokuar urën, por për “çështje banale si targat e makinave, marrëveshje që është bërë nga qeveria e Isa Mustafës në 2016-ën”.
Intervista:
Zeka çfarë pritet pas marrëveshjes që dy shtetet kanë arritur në Bruksel, për shtensionimin e situatës?
Zeka: Nëse do filloja me frazën madhore të Kurtit që Serbia do mësohet me reciprocitetin, mund të them që i vetmi reciprocitet që është vendosur ishte vendimi i Haradinaj për mallrat serbe që hynin në Kosovë. Edhe atëherë kam qenë kritik deri në rrëzimin e qeverisë Haradinaj për shkak të presionit të Washingtonit. Reciprociteti nuk ekziston as në Berlin sepse edhe Gjermania është e varur nga SHBA që siguron sovranitetin në raport me Rusinë. Kurti i cili ka qenë kundër marrëveshjes së Rambujesë, kundër bombardimeve të NATO-s, kundër paktit të Ahtisarit, ka mohuar flamurin e Kosovës, bëri aventurën e tij të fundit dhe dërgoi forcat në veri të Kosovës jo për të zhbllokuar urën, por për një çështje banale si targat e makinave, marrëveshje që është bërë nga qeveria e Mustafës në 2016-ën. Këtë Kurti e ka bërë vetëm për shoë mediatik duke i krahasuar policët me pijanecët.
Zeka a mund të themi se Kosova për herë të parë vendosi pushtet në të gjithë territorin pas vendosjes së reciprocitetit? A është ky një pushtet real që pas pavarësisë së Kosovës?
Zeka: Pushteti nuk është dhe nuk ka qenë kurrë në duart e askujt në veriun e Kosovës. I pari një njeri që ka dërguar forcat speciale në veri ka qenë Thaçi dhe zhbllokoi të gjitha barrikadat. Ai ka arrestuar politikanë të nivelit të lartë serbë dhe në atë kohë Kurti tallej me aksione të tilla. Për të njëjtat tabela që po lufton Kurti sot thoshte dikur se ishte demagogji. Si në Shqipëri dikur që njerëzve iu deshën 50 vite për të kuptuar demagogjinë e Enver Hoxhës, do duhen për të kuptuar Kurtin. Ky njeri është binjak i Enver Hoxhës, edhe ai do e kishte zili demagogjinë e tij.
Po rolin e Shqipërisë dhe qëndrimin e Kryministrit Rama në vizitën e tij zyrtare në Kosovë si e patë në situatën e tensionuar mes 2 vendeve?
Zeka: Rama ka mundësi që ka bërë 1 milionë gabime brenda Shqipërisë. Rama është Erdogan brenda Shqipërisë. Por aq sa unë e ndjek politikën e Shqipërisë Rama nuk ka bërë asnjë gabim në politikën e jashtme. Kritikan për Ballkanin e Hapur janë demagogji dhe luftë politike. Rama takoi Kurtin në postin e kryeministrit. Kosova kurrë nuk ka qenë në armiqësi me Shqipërinë. Kurti ka më shumë fobi Ramën se sa Vuçiç-in. Absurditeti i Kurtit në Raport me Ramën e çoi deri në shkallën që refuzoi vaksinat. Kurti do duhej që mbledhjen e parë ta mbante me qeverinë e Shqipërisë dhe jo me MV. Ajo që më shqetëson është se qarqet pro serbe kanë dashur që përmes politikanëve të Shqipërisë të godasin Shqipërinë. Unë e shoh Tiranën si nyje lidhëse për Kosovën.
Rama ka ripërsëritur edhe nga Prishtina se ‘’Ballkani i hapur’’ është e vetmja mundësi për të ardhmen.
Zeka: Rama nuk është shprehur aq sa unë kam lexuar që është e vetmja e ardhme por që është një nga atostradat që të fut në BE. Po të ishte Ballkani i hapur kundër MV, kundër Shqipërisë NATO nuk do ti lejonte SHBA. Ideja e shkëmbimit të territoreve është hedhur në fillim nga Ibrahim Rrugova dhe Rexhep Qosja. Pse Kurti ju merr pjesë në forume dhe të thotë që është i keq për Kosovën. Këta nuk thonë që është i keq por ideja ka ardhur nga Rama e Vuçiç atëherë është e keqe, kjo është fobi.
