Rreth një muaj më parë në rrjet qarkulloi një video e hershme e ministres së Shtetit për Mbrojtjen e Sipërmarrjes, Edona Bilali. Kujtojmë se në një intervistë televizive pak vite më parë ministrja dëgjohet të thotë se kryeministri Rama është në rrugën e duhur të kthehet në një Zeus dhe që Shqipëria të kthehet në një monarki të mundshme.
“Zoti Rama vërtetë nuk është Zeusi, por unë do e perifrazoja nuk është akoma Zeusi por është në rrugën e duhur pasi përveç pjesës që ai ka në staf dhe në qeveri është edhe opozita me qëndrimet e ditëpasditshme është duke dhënë dhe ajo kontributin e vetë që me pas një Zeus i cili pastaj të kthehet edhe forma që qeveriset Shqipëria ndoshta në një kshu Monarki të mundshme”, dëgjohet të thotë Bilali në video.
Pas deklaratës së ministres se Edi Rama është Zeusi, ka shpërthyer kreativiteti me bazë mitologjinë Greke. Në një fotomontazh shihet punimi Zeusi & Hera, Edi Rama dhe Edona Bilali.
