Në bulevardin Dëshmorët e Kombit po zhvillohet panairi i artit, ku kanë marrë pjesë shkolla të ndryshme artistike nga qytete të ndryshme në vend.
Pjesëmarrës në këtë panair është kryeministri Edi Rama, Ministrja e Arsimit, Evis Kushi dhe ministrja e Rinisë Bora Muzhaqi.
Rama është pritur me dhurata, ku një vajzë i dhuroi një pikturë, ndërsa në panair ka pasur piktura, veshje e kërcime tradicionale.
“Ky program duhet të përgatitet sa më mirë që vitin e ardhshëm të hyjë në të gjithë sistemin dhe të përfshgihen të gjitha shkollat. Duhet të jetë një sistem me cmime sic kemi folur” tha Rama gjatë vizitës në panair.
“Një panair modest arti, organizuar nga shkollat artistike në vend, ndërkohë që në bashkëpunim me ministrinë e arsimit dhe Unicef, Ministrja e Shtetit për Rininë e Fëmijët, po koordinon me ministritë e institucionet publike, punën për Programin Kombëtar të Arteve dhe Zejeve, që do të jetë duke nisur prej vitit të ardhshëm një hapësirë e re, gjithëpërfshirëse për nxënësit e të gjitha moshave në Republikën e Shqipërisë, të cilët do të kenë festivalet, ekspozitat, konkurset dhe çmimet e tyre, në nivel vendor e kombëtar” shkruan Rama në postimin e tij.
