Një 12-vjeçare ka humbur jetën mbrëmjen e djeshme si pasojë e plagëve të marra nga zjarri që përfshiu banesën e saj në Derviçian të Gjirokastrës. Mësohet se e mitura Krisanthi Ndriço nuk u mbijetoi dot plagëve të marra nga flakët.
Burime për mediat bëjnë me dije se zjarri është shkaktuar nga një ngrohëse dhe se i lënduar si pasojë e flakëve ka mbetur edhe kryefamiljari Irakli Ndrico, i cili fatmirësisht është jashtë rrezikut për jetën.
Gjirokastër/Informacion paraprak.
Rreth orës 20:30, në sallën operative ka ardhur një telefonatë se në fshatin Dervician, Dropull, ka rënë zjarr në banesën e shtetasit I. N.
Në momentin kur banesa është përfshirë nga flakët, brenda saj kanë qënë shtetasi I. N., 49 vjeç dhe vajza e tij 12 vjeçare, ku si pasojë janë dëmtuar dhe janë transportuar në spitalin Rajonal Gjirokastër për ndihmë mjeksore. Në vendngjarje ndodhen shërbimet e policisë, grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
