Ceremonia mortore e Konstandinos Kacifas, ku nuk munguan thirrjet nacionaliste, u në objekt debatesh dhe diskutimesh, ndërsa Shqipëria shpalli non-grata 52 shtetas grekë.
Ngjarja prodhoi reagime të shumta si nga pala shqiptare ashtu dhe ajo greke. Një reagim I tillë erdhi dhe nga zëvendësministja greke e Rendit, Katerina Papakosta.
Përmes një postimi në profilin e saj të ‘Facebook’-ut Papakosta tha se Greqia duhet të hapë një dialog të sinqertë për të drejtat e minoritetit.
“Ne me Shqipërinë duhet te hapim një dialog të sinqertë dhe të thelle për të drejtat e pakicës kombëtare në funksion të perspektivës evropiane, gjendjes dhe zbatimit te tyre te plote. Ashtu si ka kërkuar Shqipëria për shqiptarët jashtë vendit autonominë apo dhe pavarësinë, duhet t’i japë minoritetit të gjithë të drejtat qe i takon. Ky përben dhe një kusht nga BE për integrimin europian”- thuhet në postimin e saj.
Kujtojmë se minoritari grek Kacifas u vra në Bularat, më 28 tetor pas një shkëmbimi zjarri me forcat speciale RENEA.
