Lulzim Basha deklaroi se pas një propozimi të mazhorancës për ndryshimin e rregullores së Kuvendit, fshihet një ligj i posaçëm për të mbrojtur “peshqit e mëdhenj” nga drejtësia. Sipas kreut të demokratëve, ligji e shndërron Kuvendin në gjykatë dhe opozita do të votojë kundër.
Kreu demokrat, Lulzim Basha, ka reaguar ashpër një ditë pas vendimit të Partisë Socialiste për të shtrënguar rregullat mbi arrestimin e deputetëve. Basha akuzoi direkt kryeministrin Edi Rama, duke thënë se ka propozuar një ligj të posaçëm për të mbrojtur ‘peshqit e mëdhenj’ nga arrestimi.
Kreu i PD deklaroi se partia që ai drejton do ta kundërshtojë fuqishëm këtë akt të Ramës, që sipas tij, synon që asnjë ministër apo deputet i korruptuar dhe i lidhur në krim të mos dalë para drejtësisë.
