Një pjesë e flokëve të Marilyn Monroe është duke u shitur për 16.500 dollarë, 60 vjet pasi ishin prerë nga koka e aktores. Siç mësohet, prerja e flokëve, që llogaritet të jetë rreth 35 fije, vjen nga koleksioni i stilistit të flokëve të Monroes, Kenneth Battelle. Sipas faqes së shitjes së flokëve “Moments in Time”, flokët vijnë në një kuti letre të sheshtë dhe gjithashtu në të ka fotografi të aktores, e cila vdiq në vitin 1962.Seti është plot me një copë letre nga Battelle, stilist i flokëve i Monroe nga viti 1958 deri në vdekjen e saj. Korniza mban datën 14 qershor 1959 dhe në xham është i shënuar numri i telefonit i Battelles. Battelle, i njohur si stilist i famshëm i flokëve, gjithashtu ka punuar për Jacqueline Kennedy dhe Rosalynn Carter.
Kenneth Battelle, i cili ka ndërruar jetë në vitin 2013, mësohet se ka koleksionuar rreth 35 variacione, sa herë që aktorja vendoste të ndryshonte stilin e flokëve. Sipas medieve, floktari disa prej tufave të flokëve ua ka dhuruar miqve të tij më të ngushtë.Flokët që i përkasin yllit Monroe janë shitur më parë për mijëra, duke përfshirë një bllok që më parë i përkiste grupit të tifozëve “Monroe Six”, e cila u shit për 37.500 dollarë.
