Qeveria ka vendosur ti japë edhe një tjetër ditë pushimi administratës shtetërore. Duke qenë se data 1 janar 2020 i bie e mërkurë dhe 2 janari është ditë pushimi, qeveria ka vendosur që punonjësit të pushojnë edhe në datën 3 janar, duke e plotësuar të gjithë javën me pushime.
Ja vendimi që u mor sot nga qeveria e drejtuar nga Edi Rama:
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
VENDOSI:
1. Caktimin e ditës së premte, datë 3.1.2020, ditë pushimi për punonjësit e administratës shtetërore.
2. Dita e punës e datës 3.1.2020 do të zëvendësohet në një nga ditët e pushimit brenda muajit janar.
3. Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në ‘Fletoren zyrtare’.
