Menaxhimi dhe operimi në Terminalin e Konteinerëve në Portin e Durrësit do t’i lihet në dorë privatit për 5 vjet.
Autoriteti Portual Durrës ka hapur tenderin me fond limit 3.7 miliardë lekë pa TVSH me objekt: “Shërbimi i menaxhimit dhe operimit të Terminalit të Konteinerëve në portin e Durrësit tek operatorë portualë privatë të specializuar për 5 vjet”.
Të gjitha kompanitë e interesuara kanë afat deri në 22 shtator, për të marrë pjesë në garë dhe kanë mundësi të marrin pjesë edhe kompanitë e huaja pasi dokumentacioni nga autoriteti kontraktor ofrohet në dy gjuhë shqip dhe anglisht.
Porti i Durrësit është epiqendra e tregtisë së mallrave në vend, në të cilin aktualisht zbatohet kontratat e skanimit të konteinerëve.
Në këtë tender është përdorur “Procedurë e Kufizuar mbi kufirin e lartë monetar”. Kjo procedurë nuk përdoret për punë/mallra/shërbime, që gjenden lehtësisht në treg ose që kanë specifikime teknike apo standarde të përgjithshme e të mirënjohura në treg.
