I akuzuar si ekzekutor i të motrës së tij, Shkëlzen Buci ka mohuar çdo lidhje me krimin e rëndë.
Duke dhënë një dëshmi ekskluzive në emisionin ‘Me Zemër të hapur’ në News për gazetaren Dorjana Bezat, Shkëlzen Buci ka mohuar kategorisht se ka dorë në vrasjen e motrës së tij.
Ai thotë se nuk ka gisht në vrasjen e motrës së tij, madje as babai i tij. Madje ai shkon edhe më tej dhe thotë që nëse del se ai është autori i vrasjes, nuk do të pranojë që të dënohet, por të ekzekutohet.
Pyetje nga gazetarja: Përveç akuzave që bëhen ndaj jush dhe ndaj shokut tuaj, ju keni akuza dhe nga motra juaj, Elona që thotë se është e bindur se e keni vrarë ju…Buci: Unë motrën time, Eglantinën, se kam prekur kurrë me dorë në jetën time. Eglantina zgjodhi rrugën e vet, dhe askush se ka penguar. E luta që të vinte në shtëpi, s’pranoi me ardhë. Më tha; kam jetën time. Edhe i thashë; ta jetosh si të duash. Po cili baba në botë të më japë urdhër mua që të vras motrën time dhe ta çoj me shokun tim?! Ky është super krim. Ai person që ka kryer këtë gjë, s’meriton burgim. Nëse unë dhe familja ime ka dorë sa fija e flokut. S’do pranoj dënimin, por ekzekutim për këtë çështje, regjistroje këtë bisedë. Drejtësia do të dalë. Unë kam bërë një krim në 2017-ën, për atë krim po bëj dënimin. Ishin hallet e mia personale që kam bërë. Nesër kam bërë një krim, s’jam vrasës i motrës time. Asnjë minutë nuk jetoj nëse e kam bërë, s’e mbaj dot në ndërgjegje.
