Ish kryeministri i Kosvës, Ramush Haradinaj ka reaguar pas deklaratës së kryeministrit Edi Rama, i cili tha se Shqipëria ka pranuar kërkesën e Amerikës për të strehuar afganët.
Haradinaj me anë të një postimi në rrjetet sociale shkruan se Kosova duhet të jetë vullnetare në strehimin e disidentëve afganë dhe të jetë pranë Shteteve të Bashkuara të Amerikës, siç ata qëndruan pranë Kosovës dhe riatdhesuan kosovarët nga Siria.
“Kosova të jetë vullnetare në strehimin e disidentëve afganë dhe të jetë pranë Shteteve të Bashkuara të Amerikës, ashtu siç ishin ata pranë nesh, kur riatdhesuam shtetasit e Kosovës nga Siria,” shkruan Haradinaj në postimin e tij.
Rama shkruante se nëse amerikanët i kanë bërë kërkesë Kosovës që të strehojë afganët atëhere qeveria e Kosovës duhet t’i përgjigjej pozitivsht.
“Nuk e di nëse amerikanët i kanë kërkuar edhe Kosovës të strehojë afganët që u ekspozuan si miq dhe mbështetës të ushtrive aleate; uroj që në rast se po, Qeveria e Kosovës të përgjigjet pozitivisht, për nderin e saj e të Kosovës sigurisht”, tha Rama ndër të tjera.
