Presidenti Ilir Meta, duke folur për mandatin e tij 5 vjeçar në krye të shtetit, është shprehur mbrëmjen e djeshme se ngeli i vetëm në një parlament një partiak. Sipas tij, u tradhtua nga miqtë ndaj u detyruar të kërkonte ndihmën e popullit.
“[…] Ilir meta gjatë këtyre pesë viteve e sidomos nga 17 shkurti e deri tani kur opozita është e paralizuar, kam qenë i vetëm si president i tradhtuar, i minuar nga miqtë dhe armiqtë për çdo lloj arsyeje. Si mund të jetë normale kur një president ngelet i vetëm në një parlament një partiak”, i shpreh Presidenti ndër të tjera në “Top Story”.
Nga zgjedhja si kryetar shteti në prill të 2017, si i kujtoni ato ditë?
Ilir Meta: Shqetësimi im nuk ishte se si u zgjodha por qëllimi ishte si do të bëja të pamundurën se si opozita të hynte në zgjedhje e të dilte nga çadra sepse ishte një përpjekje e kryeministrit dhe disa ndërkombëtarëve për ta lënë PD-në në çadër.
Loja ishte e qartë dhe unë ndihëm sikur mezi po pres të dal nga një ëndërr. E kam me shumë qetësi, kjo periudhë e presidencës ka tre faza që të jemi objektiv. Është faza e parë ku Rama thoshte se ky është presidenti më i mirë ishte një presidencë normale derisa opozita dogji mandatet.
Besoj të gjithë e kanë të qartë filmin në fund të fundit konkluzioni është i qartë i prerë, Ilir meta gjatë këtyre pesë viteve e sidomos nga 17 shkurti e deri tani kur opozita është e paralizuar, kam qenë i vetëm si president i tradhtuar, i minuar nga miqtë dhe armiqtë për çdo lloj arsyeje. Si mund të jetë normale kur një president ngelet i vetëm në një parlament një partiak.
Mua ma bënë më të vështirë por antenat i ngrita më lart, u detyrova të kërkoja edhe ndihmën e popullit. Nga muaji dhjetor që lindën konfliktet e KED, kur e kuptova që këta donin të rrëmbenin anëtarët e Gjykatës Kushtetuese që i përkasin presidentit, kam bërë çdo përpjekje për të shmangur dy marsin.
