Borxhi që shteti i ka OSHEE-së (kompania e Shpërndarjes së Energjisë) katër mujorin e parë te vitit 2022 ka arritur kulmin, në 22, 1 miliardë lekë ose 183 milionë euro. Në vetëm katër muaj detyrimet e shtetit ndaj OSHEE-së u rriten me 8.3%.
Ky fakt i cili jep dhe një shembull negative në popullatën e gjërë, e cila përballet me dënime të rënda nëse ato janë debitorë ndaj OSHE-së si shkëputje të energjisë deri dhe në burg ka shqetësuar Partinë e Lirisë. Përfaqësuesi i kësaj partie, Endrit Braimllari në një status në llogarinë e tij në Facebook shkruan se Rilindja dhe Edi Rama janë hajdutët më të mëdhenj të enërgjisë elektrike.
Kjo qeveri sipas Braimllarit ndëshkon qytetarët e varfër ndërkohë që vete shkakton një dëm prej 183 milionë euro. Ai e mbyll postimin e tij duke i bërë thirrje SPAK të hetojë këtë hajdutëri.
Statusi i plotë i Braimllarit:
183 milionë euro energji pa paguar ka shteti. Rilindja dhe Edi Rama hajdutët më të mëdhenj të energjisë elektrike. Rilindja ndëshkon qytetarët e varfër ndërkohë vet shkakton një dëm prej 183 milionë euro.SPAK duhet të hetojë këtë hajduteri.
