Kreu i Partisë Demokristiane, Nard Ndoka u bën thirrje simpatizantëve dhe anëtarëve të kësaj force politike që të kontribojnë me ndihma modeste për partisë. Sipas tij, marrëveshja e 17 Majit Rama-Basha, e goditi PD ndaj për ta fuqizuar duhen kontribute nga anëtarët.
“Të nderuar miq, drejtues, anëtarë dhe simpatizante të Partise Demokristiane të Shqipërisë, ju ftojme të kontribuoni politikisht e financiarisht për PDK kudo që ndodheni. Që nga 17 Maj 2017 jemi penalizuar nga “marrveshja e zezë” Rama-Basha”, shkruan Ndoka.
“Islamiku politik Lulzim Basha goditi alternativen politike Demokristiane duke shkelur marrveshjen politike, duke demtuar keshtu perfaqesimin politik, por edhe financimin si parti parlamentare”, vijon kreu i PDK.
Ai thotë se për të kaluar këtë situatë të vështirë, çdo anëtar duhet të dhurojë 10 mijë lekë të vjetra ose 10 dollarë. […] ju lutemi të kontribuoni me nje financim modest, për nje periudhe të shkurter kohore, derisa PDK të rikthehet serish në Kuvend, në zgjedhjet që kemi përpara”, vijon Nard Ndoka.
