Andi Bushati sulmon deputetët e Alibeajt: O pazarxhinj të ndyrë si ata të “kërporatave”, o vemje
Andi Bushati i ka cilësuar pazarxhinj deputetët demokratë që mbështesin Alibeajn, të cilët siç tha janë zgjedhur në Kuvend me votat e demokratëve dhe nuk po i përfaqësojnë.
Bushati u shpreh se keqardhja më e madhe është që këta deputetë, që sipas tij s’e meritojnë të jenë në kuvend, përbëjnë afro gjysmën e përfaqësuesve të demokratëve.
“Më e keqja është se këta janë gjysma e deputetëve që po dalin ca langaraqë, pazarxhinj më të ndyrë se ajo e ‘kërpëratave’. Do respektoja çdo njeri që do thoshte nuk është Berisha e ardhmja e opozitës.
Por këta janë vemje, nul, janë njerëz që nuk mund të diskutohen politikisht dhe këta përbëjnë gjysmën e deputetëve. Janë langaraqë, janë plehra, s’meritojnë të jetë aty, hanë bukën e njerëzve që kanë ngrënë dru kot”, tha Bushati.
