Ilir Shaqiri ishte i ftuari i Ermal Peçit në takimin e së dielës në “Më prit në fundjavë” në RTSH. Mes shumë rrëfimeve ai foli edhe për eksperiencën e tij në shtëpinë e Big Brother VIP dhe nëse do vepronte si miku i tij, Sabiani që hyri sërish.
“Absolutisht jo. Ndoshta një edicion vetëm më fituesit. Sabiani shkoi për një problem familjar aty, nuk u fut për të fituar spektaklin”, tha Iliri.
Po nëse vajza e Ilirit do të ishte në shtëpi do futej edhe Iliri? “Jo nuk do futesha. Kur njëriu është mazhoren e mbi të gjitha kur di çfarë vajze ke nuk ka arsye përsë të futesh apo ndërhysh”, u përgjigj balerini.
Ilir Shaqiri do e sfidojë sërish veten në një tjetër reality show. Ditën e sotme, teksa ishte i ftuar në emisionin “Më prit në fundjavë”, ish-fituesi i “Big Brother VIP Albania 1”, na zbuloi se do ta shohim sërish në një reality show.
Iliri tregoi se do jetë pjesë e “Isola de famosi”. Balerini i njohur do të sfidoj veten në ishull me personazhet e njohur të ekranit italian, duke u përballur me sfida të ndryshme.
“Jemi në fazën finale, po mbyllen e diskutohen kontratat. Po diskutohet nëse do futem në fillim apo në mes të reality show“, tha Iliri.
Kujtojmë se balerini doli fitues në edicionin e parë të “BBVA”, pas më shumë se 100 ditësh sfide. Banori me të cilin u përball në finale, ishte aktori Donald Veshaj, që po ashtu si Luizi, ishte një ndër më të përfolurit.
