Në emisionin “Ndryshe” me Salsano Rapin, Adi Pojanën dhe Anxhela Baxhija rubrika e telefonatës kurth është një nga më të ndjekurat dhe më të pëlqyerat. Të shumtë janë personazhet e famshëm që kanë rënë në grackën e tyre, disa e kanë marrë bisedën shumë seriozisht dhe kanë filluar të besojnë gjithçka nga rrengu.
Por këtë herë ishte radha e Armaldo Kllogjerit, ish-banorit të shtëpisë më të famshme në Shqipëri, Big Brother VIP. Treshja e njohur telefonuan tenorin dhe i sugjeruan një ofertë për sallonin e ri të bukurisë që do të hapej, pra për të bashkëpunuar me të. Ndërkohë që telefonata po vazhdonte dhe Armaldo ndodhej në rrugë gjithçka dukej se po shkonte sipas planit, por jo.
Pasi futet në makinë dhe po dëgjonte zërin e tij në Top Albania Radio ai shprehet se:
“Po unë sapo kam hipur në makinë dhe po ju dëgjoj në Top Albania Radio, mos më patë gjë që dola nga makina? Për fat të mirë mua nuk ma hedh dot njeri se më sheh Zoti lart!”
Oferta nga salloni i bukurisë ishte që në këmbim të 10,000 eurove Armaldo të bënte flokët si Luiz Ejlli duke qenë se kjo tani është kthyer edhe në një lloj trendi. Maestro nuk e pranoi këtë ofertë me arsyetimin se flokët nuk i shkonin ashtu.
