Ish-deputeti Kujtim Gjuzi ka reaguar ashpër për djegien e karrigeve në seancën e djeshme plenare nga deputetët e Partisë Demokratike. Ai i quan ata “k*rva” dhe thotë se në 102 vjet, në Kuvendin e Shqipërisë kurrë nuk kanë ndezur zjarr.
“102 vjet Kuvend kurrë s’kemi vendos zjarr or k*rva! Kujtoni se na mashtroni or k*rva Deputetë 69 pasi dogjët mandate, po digjni në marrëveshje shtëpinë e 25 milion Shqiptarëve! Yttt organizate terroriste”, shkruan Kujtim Gjuzi.
Pasditen e djeshme, Kuvendi i Shqipërisë është karakterizuar nga një seancë plenare kaotike dhe një akt i paprecedent jashtë saj, kur deputetët opozitarë noxrën karriget e tyre nga salla dhe u vunë zjarrin me benzinë në oborr.
Gjithçka nisi kur kryetarja Elisa Spiropali njoftoi se në zbatim të vendimit të Gjykatës së Apelit Tiranë, politikani Ervin Salianji kishte humbur automatikisht mandatin e deputetit, sepse u dënua me vendim të formës së prerë me 1 vit burg.
