Policia financiare italiane ka sekuestruar ne portin Gioia Tauro në Regio Calabria 115.61 kg kokainë e cilësisë mjaft të pastër e transportuar me anije nga Amerika Latine me destinacion Livorno. Kokaina ishte fshehur në 3 çanta brenda një kontajneri që transportonte bobina letre nga Kili. Anija ku ishte fshehur kokaina ishte nisur nga porti Sant Antonio në Kili , ishte ndalur tranzit në portin Rodman në Panama e pas portit Gioia Tauro do të mbërrinte në portin e Livornos. 115,61 kg kokainë ishin konfeksionuar në 100 pako. Sipas antidrogës italiane kokaina do të përpunohej 4 herë para se të shitej në doza 1 gramë me vlerë nga 50-100 euro. Vlera e fitimit perllogaritet të ishte 23 milionë euro. Trafiku i kokainës në Itali e në Europë është në duart e mafias kalabreze Ndrangheta.
