Microsoft do të paralajmërojë përdoruesit e Windows 7 që përditësimet e sigurisë së shpejti do të përfundojnë. Përdoruesit do të paralajmërohen se Windows 7 skadon më 14 Janar 2020, kur gjiganti i softuerit nuk do të hapë rregullime për problemet dhe dobësitë e sigurisë.
Kjo vjen rreth 10 vjet pasi Windows 7 debutoi për herë të parë në vitin 2009, më shumë se gjysmë dekade përpara se sistemi më i fundit operativ i Microsoft-it, Windows 10, të futej. Masa e Microsoft për të ndaluar përditësimet të sigurisë është pjesë e përpjekjeve të vazhdueshme të kompanisë për të shtyrë përdoruesit në softuerin e tij më të fundit, i cili qëndron në një bazë më të madhe sigurie dhe për të zbutur sulmet. Duke filluar nga 18 prilli, përdoruesit në Windows 7 do të fillojnë të marrin paralajmërime për ndërprerjen e afërt.
Microsoft po përpiqet në të gjitha mënyra për ti bindur bizneset dhe institucione të largohen nga Windows 7. Pasi mbështetja zyrtare të përfundojë Microsoft ofron përditësime sigurie vetëm kundrejt pagesës ku edhe kjo do të vijojë deri më 2023. Windows 7 vazhdon të komandojë rreth 40 për qind të tregut të desktop, sipas Net Applications.
Megjithatë gjiganti i Windows do të bëjë përjashtime si në rastin e ransomware WannaCry ku do të dërgojë përditësime sigurie. Për vite me radhë, Microsoft ka lejuar përdoruesit e Windows 7 që të përdornin në Windows 10 falas për t’u përpjekur të inkurajojnë rritjen dhe përmirësimet.
