Gjykata Ndërkombëtare Penale (ICC) me seli në Hagë ka refuzuar kërkesën e një prej prokurorëve të saj për të hetuar krimet e luftës, të kryera në Afganistan nga forcat amerikane. Ky vendim erdhi me justifikimin e paqëndrueshmërisë dhe mungesës së bashkëpunimit me hetuesit afganë.
Siç shkruan BBC, vendimi është lavdëruar nga presidenti amerikan, Donald Trump, si një ”fitore e rëndësishme ndërkombëtare”, por njëkohësisht është kritikuar ashpër nga grupet mbrojtëse të të Drejtave të Njeriut, përfshirë edhe ”Amnesty International”. Gjykatësit dhanë vendim vetëm një javë pasi Shtetet e Bashkuara të Amerikës i revokuan vizën prokurores së Hagës, Fatou Bensouda. Revokimi erdhi pikërisht pas kërkesës së saj, që Gjykata e Hagës të hetonte krimet e mundshme të luftës të zhvilluara nga forcat amerikane në Afganistan.
