Aktori shqiptar rrëfen vështirësitë me shëndetin mendor: Shkova te “Pesa”, nuk më interesonte çfarë mendonin njerëzit…

0
719
Zjarr Televizion Ad This is a sample article. ...





Aktori i humorit Albano Bogdo ka rrëfyer eksperiencën e vështirë që ka kaluar me problemet e shëndetit mendor, si u diagnostifikua dhe si vendosi të kurohej.

Bogdo tha se kishte pasur vështirësi në diagnostifikimin e duhur, pasi mjekët dyshonin se mund të kishte probleme të zemrës, për shkak të rrahjeve të larta.

Ai më pas tregoi se si sulmi i panikut u bë aq i papërballueshëm sa që disa herë kishte braktisur skenën e “Apartamentit 2XL”.

Bogdo tha në emisionin “Opinion” se vendosi të vizitohej te një psikiatër, pa marrë parasysh fare se çfarë mund të flisnin njerëzit.

“Kisha atak paniku, në gjendje aq të keqe sa që dias herë kam ikur nga shfaqja “Apartamenti 2XL”. Shkoja në spital dhe më vizitonin për probleme me zemrën, gjendrën tiroide, i kisha të rrahurat 120.

Një ditë isha aq keq dhe shkova te psikologia, më dha disa ilaçe me bazë bimore, më bëri më keq. Kur do dilja në shfaqje, më thirrën emrin Albano Bogdo.

Në vend të dilja në skenë, ika shkova në spital. Ma gjeti një farmaciste, më tha ti ke panick atack si djali im, me dha një kokër benzodiazepinë që fjeta i qetë se kisha tre ditë pa gjumë.





Më dha numrin e një psikiatri. Në nesërmen shkova menjëherë, as nuk e kisha problem fare se çfarë do thoshin njerëzit.

Më dha disa ilaçe, kisha atak paniku, depresion dhe BPD. Për tre muaj isha i qetë, tashmë më rikthehet ndonjëherë por kështu ndodh”, u shpreh Bogdo.

Aktori u shpreh se pa ndryshuar dietën, sasinë e ushqimit dhe në mënyrë të pashpjegueshme, humbi shumë kilogramë brenda 3 muajve.

Albano Bogdo: Unë kam gjithë këto vite që marr ilaçe për depresionin. Para dy vjetësh, pa asnjë lloj arsye, pa e ndryshuar aspak dietën, sasinë.

Blendi Fevziu: As mjekimin?

Albano Bogdo: As mjekimin. Sinqerisht, e kam pasur kofshën sa ka dorën zonja. U bëra 69 kilogramë, 1 e 86 i gjatë. Pa asnjë lloj arsye për tre muaj. Analizat dilnin të gjitha shkëlqyer. Haja njësoj, pija njësoj…

Blendi Fevziu: Dhe vetëm dobësoheshe ë?

Albano Bogdo: Dhe pastaj papritur, filloja merrja veten pa asnjë lloj arsye. Pa e shtuar ushqimin, pa ndryshuar asgjë.





Zjarr Tv Ad