Kryeministri i Kosovës Albin Kurti, gjatë një takimi me homologun grek Kyriakos Mitsotakis, i ka kërkuar atij që Greqia t’i bashkohet bllokut të vendeve që njohin Kosovën.
Gjatë takimit të tyre Kurti i listoi Mitsotakisit të gjitha arritjet e qeverisjes së re në Kosovë në këto 100 ditë të para, përfshirë këtu edhe menaxhimin e mirë të situatës së pandemisë.
“Greqia dhe Kosova duhet të forcojnë marrëdhëniet e tyre të pavarura për shkak të historisë së gjatë të përbashkët, qëllimit të përbashkët të paqes dhe sigurisë në Ballkan dhe të ardhmes së gjatë të përbashkët”, tha kryeministri Kurti.
Në këtë takim, kryeministri Mitsotakis rikonfirmoi përkushtimin e Greqisë në promovimin dhe forcimin e mëtejshëm të bashkëpunimit në mes dy vendeve në kuadër të promovimit të perspektivës evropiane të Ballkanit Perëndimor.
Gjithashtu gjatë këtij takimi mësoht se u bisedua edhe për shtimin e marëdhënieve bilateriale ekonomike Kosovë-Greqi.
