Analisti Plator Nesturi ka komentuar zhvillimet e fundit politike.
Ai tha se vetëm dy ditë para Kuvendit të thirrur nga Berisha, nëpërmjet të dërguarit special për rajonin e Ballkanit, SHBA konfirmoi se mbështet Lulzim Bashën dhe Partinë Demokratike.
Komenti i Nesturit:
“Simbolizmi qëndronte i qartë. Shprehu se do ketë një bashkëpunim të ngushtë me PD. Ftesa ndaj Bashës ishte konfirmimi se me këtë person do të punojmë. Mesazhi vjen kur po bëhen dy Kuvende dhe nuk mund të ketë ftesë për një person të shkarkuar.
SHBA llogarisin Bashën si kryetar të PD dhe kjo i jep dorë Bashës për të mos njohur asnjë vendim që del nga Kuvendi i Berishës. Ky ishte një qëndrim që pritej. Tashmë duhet parë qëndrimi i delegatëve të PD që i janë bashkuar Foltores tani që iu rikujtua se Berisha ka shumë hesape për të mbyllur”, tha ai.
