Disa ditë më parë u njoftua se më në fund, edhe në Shqipëri u krijuar Sindikata e Futbollistëve dhe se kryetar i saj është zgjedhur futbollisti i mirënjohur i kombëtares Andi Lila. Sipas njoftimit zyrtarë, synimi kryesor i këtij organizimi të munguar në vendin tonë do të jetë mbrojtja e futbollistëve, nga kontrata e parregullta, moszbatimi i tyre, çështja e vonesave të pagave të lojtarëve, arroganca e presidentëve dhe pronarëve të klubeve, etj.
Pikërisht tashmë në pozicionin e kryetarit të kësaj sindikate, Andi Lila, në një postim në rrjetet sociale ka reaguar ashpër ndaj Zëvendëskryeministrit, Erjon Braçe, i cili në kohë të lirë apo jo, bën edhe “punën” e specialistit të futbollit dhe të tifozit të çmendur të Partizanit.
Lila në shënimin e tij e “zhvesh lakuriq” zëvendëskryeministrit, duke i treguar me fakte lojën e ndyrë që bën qeveria e tij me sportin dhe futbollin në veçanti. Braçe ditën e djeshme foli ashpër dhe kundër favoreve fiskale që klubet po kërkojnë, por Lila I ka kthyer një përgjigje edhe më të ashpër.
Reagimi i plotë Andi Lilës:
“I nderuar z. Brace. Lexova me vemendje reagimin tuaj ne te cilin here flisni si tifoz futbolli dhe here nga pozita e nje zyrtari shteti fatkeqsisht jashte realiteti. Pa dashur te hyje ne replika pa vlere jo vetem me ju zoti Brace por me asnje dashamires futbolli, por ne cilesine e Kryetarit te Sindikates se Futbollisteve Profesioniste Shqiptare shpreh keqardhje per paragjykimin qe i behet organizimit te sportit ne kete vend.
Politika ne Shqiperi dhe ne vecanti Maxhoranca qeverisese qe tashme eshte absolute ne cdo nivel qeverises e ka pasur te gjithe mundesine qe te permiresonte statusin e futbollisteve ne vend nepermjet nje ligji qe do te sillte zhvillim ne kete sport ne teresi e per rrjedhoje, do e bente edhe me atraktiv financiarisht dhe jo vetem, por deri me sot nuk ka bere asgje te tille.
- zv.kryeminister: A nuk ka qene detyre e administrates tatimore qe te kontrolloj klubet e futbollit jo vetem per bilancet mizerabel por edhe per pagimin e kontributeve shoqerore e shendetsore per futbollistet.
Perse z.Brace, politika kujtohet per futbollin vetem kur shkojme ne Europian apo fushata elektorale ku premtimet asnjehere nuk mbahen. A e dini se te humburit e perhereshem nga mugesa e vullnetit politik jane FUTBOLLISTET. Eshte pikerisht mungesa e vullnetit politik qe te futbolli profesionist te kete permiresime thelbesore qe na beri ne si futbolliste qe te angazhoheshim ne themelimin e Sindikates tone.
Do jemi ne Z. Brace, ne opozite me te gjithe politikanet, zeri i munguar i futbollisteve, qe te gjithe ato te drejta te munguara te mos neperkemben me apo te perdoren si “lende e pare” per statuse rrjetesh sociale. Keto te drejta te neperkembura do te behen patjeter realitet nepermjet trysnise qe ne vete do ushtrojme ndaj jush si klase politike si dhe kujdo tjeter qe deri dje i ka shkelur si pa te keq. Premtimet se ne “shtator” do behet ndyshimi nuk mund te jene lajme vere. Se pari duhet te caktoni vitin se ndoshta kalon si “100 diteshi” dhe se dyti keto drafligje duhet te jene drafte ligjore te miremenduara”.
