Një ngjarje e pazakontë ka ndodhur në Kosovë, ku një punonjës i Postës ka fshehur mbi 2000 mijë pako, të cilat nuk i ka dorëzuar tek adresat përkatëse. Pas kësaj Policia ka punojësin i cili akuzohet për veprën penale “Keqpërdorim i detyrës apo autoritetit zyrtar”.
Gjatë kontrollit në shtëpi, atij iu gjetën dhe sekuestruan dërgesa postare, të padorëzuara nga ai, i cili ka qenë përgjegjës për dorëzimin e tyre te palët e adresuara, gjatë kohës që ka qenë punonjës i Postës së Kosovës.
“Policia e Kosovës, Sektori për Hetimin e Korrupsionit në Prishtinë, në koordinim me Prokurorinë Themelore në Prishtinë pas ndërmarrjes së veprimeve hetimore ka arrestuar personin e dyshuar me iniciale (M.B. ) si dhe është kontrolluar shtëpia e të dyshuarit të lartcekur ku gjatë kontrollit janë gjetur dhe sekuestruar dëshmi (dërgesat postare) të pa dorëzuara nga i dyshuari i cili ka qenë përgjegjës për dorëzimin e tyre tek palët e adresuara gjatë kohës sa ka qenë punëtorë i Postës së Kosovës”, thuhet në njoftimin e policisë.
