Anëtarja e Kryesisë së PD-së Edith Harxhi ka reaguar pas fjalimit të djeshëm të Edi Ramës në Strazburg, ku nuk nguroi të sulmojë BE-në, por nga ana tjetër nuk tha asnjë fjalë për gjenocidin e Serbisë në Kosovë.
Postimi i plotë:
Show i djeshëm në Strasburg ishte në tërësi i organizuar për të mbuluar skandalin e mos miratimit të rezolutës së Parlamentit të Shqipërisë në qershor 2022 të propozuar nga Partia Demokratike, për njohjen dhe dënimin e genocidit Serb në Kosovë. Ky turp nuk i ndahet Edi Ramës!
Ai as në fjalën e tij të mërzitshme dhe diplomatikisht jo-korrekte nuk përmendi në asnjë çast genocidin serb në Kosovë.
Për të miratuar rezolutën e Dick Martit, në atë kohë qeveria e Shqipërisë ku edhe une kam qenë pjesë, është konsultuar ngushtë me qeverinë e Kosovës dhe pikërisht ka marrë miratimin e Z. Thaçi për të votuar pro rezolutës dhe për të treguar se ne nuk fshihemi dhe nuk fshehim kurrëgjë dhe jemi ballëlartë për luftën çlirimtare të Kosovës.
- Rama si një mediokër në politikë të jashtme, i nxitur nga dëshira për të ndihmuar mikun e tij Vucic, nuk dëshiron ta kuptojë se problemi kyç qëndron tek votimi në vitin 2015, i ligjit për ngritjen e Gjykatës së Posaçme nga ana e Kuvendit të Kosovës, pavarësisht presionit ndërkombëtar.
Show i djeshëm me qëndrimin alla Enver-Tito, të Kryeministrit, fjalimi i tij oriental në shkrim dhe shije, si dhe përgjigjet e tij prej “kulleri” ( garipi) ndaj eurodeputeteve, i kanë bërë një dëm shumë të madh Shqipërisë dhe veçanërisht Kosovës në pranimin e kësaj të fundit në Këshillin e Europës pas aplikimit të bërë disa muaj më parë.
Jam e sigurt se dje Z. Rama duhet të ketë qenë mjaft i ngarkuar emocionalisht pas një takimi aspak të lehtë në Ankara, ku fatkeqësisht e ka vënë veten dhe vendin në pozicionin e një nxënësi të dobët por të bindur para ”mësuesit” të tij. Ka kohë që Ankaraja nuk e përfill më, por e sajdis me lëmoshë! E mjera Shqipëri!!!
#shqipërianërrezik
