Një gjobë 300 euro për një klub si Barcelona që shpenzon qindra milionë në merkato nuk është asgjë. E çuditëshme, por e vërtetë, pasi këtë shifër “qesharake” nëse krahasohet me financat që rrethojnë klubin “blaugrana”, ku i fundit duhet të paguajë për të mbyllur përgjithmonë çështjen e hapur me Atletico Madrid për transferimin e Antoine Griezman.
Lajmi bëhet I ditur nga mediat iberike, teksa sipas tyre gjykata ka vendosur të dënojë Barcelonën vetëm me gjobë. Përplasja mes dy klubeve spanjollë nisi menjëherë, pasi Griezmann fitmosi kontratën e transferimit te Barcelona, pasi kjo pagoi klauzolën 120 milion euro. Por Atletico Madrid akuzoi katalunjasit se kishin shkelur rregulloren e FIFA-s me pretendimet se rivalët dhe sulmuesi francez kishin nisur tratativat muaj më parë se periudha e lejuar nga qeveria botërore e futbollit.
Si provë e klubit madrilen për këtë ishte një e-mail, ku palët flisnin për ofertën dhe kontratën. Për këtë shkelje, Atletico Madrid kërkonte 80 milion euro të tjera, duke iu drejtuar edhe gjykatës. Por kjo provë nuk është cilësuar e mjaftueshme nga gjykatësi, që ka vendosur të gjobisë Barcelonë me vetëm 300 euro.
