Babai i Sibela Abedinit ka treguar bisedat e fundit me vajzën e tij, disa ditë përpara se 27-vjeçarja t’i jepte fund jetës së saj pas shantazheve nga personazhi i TikTok, Altin Çoku.
Në një lidhje për emisionin “Me zemër të Hapur” të moderatores Evis Ahmeti, Artani u shpreh se e bija e ka marrë në telefon duke i treguar për ndarjen e bashkëshortit dhe i ka kërkuar ndihmë financiare.
Ai tregoi se Sibela brenda javësh do të shkonte në Itali së bashku me të bijën e saj të mitur.
“Kam pasur komunikim me vajën time, më ka marrë në telefon më ka thënë më sill fotokopje të pasaportës se më duhet., E pyeta se çfarë problemi ke? Kam pasur komunikim me të, por s’më ka thënë kurrë nëse i duhej gjë.
Më tha babi më ndihmo se jam ndarë nga bashkëshorti dhe se ndodhem tek mami në Kamëz. Ajo më kërkoi ndihmë. I thashë brenda javës do të sjell paratë, do të marrësh vajzën dhe do të vish tek unë në Itali. Brenda javës do të vinte tek unë. Kam folur në Messenger me vajzën, nuk kishte shqetësim, foli normal me mua. Më kërkoi ndihmë si baba dhe i premtova që brenda javës do e merrja në Itali”, tha babai i 27-vjeçares.
Sibela Abedini u hodh nga tarraca e katit të 4-rt mbërmjen e 10 shkurtit pas mesazheve shantazhuese nga Altin Çoku, i cili dyshohet se i publikoi foto intime në rrjetin social TikTok.
