Kryetari i Lirisë, Ilir Meta ka reaguar për çmimin e naftës në vend, duke u shprehur se çmimi i naftës ka rënë kudo, por vetën në vendin tonë jo. Gjatë fjalës së tij Meta theksoi se shumë shpejt kryeministri Edi Rama do ta mësojë së kush është populli i Shqipërisë.
“Rama do ta mësojë shumë mirë dhe shumë shpejt se kush është populli i Shqipërisë. Do përfundojë nën këmbët e popullit të lirisë. Ky është një premtim”, tha më tej Meta.
Pyetje: Deklarata e Biden për çmimin e naftës? A mendoi se ka ardhur koha që bordet të shpërbëhen?
Meta: Kryeoligarku Edi Rama tek këto çmime dhe këto lojëra që bën me naftën është përfituesi kryesor. Bordi u shpik për të thënë që po kujdesemi dhe për të bërë lajme. E dimë që t gjitha i vendos Edi Rama siç i thonë shërbëtorët e tij dhe përfituesi më i madh është Edi Rama. Çmimi ka rënë në të gjithë botën, por këtu nuk ka s’di të bjerë dhe rruga është shporrja e kësaj qeverie të pashpirt që mendon se duke varfëruar shqiptarët do t’i bëjë të nënshtruar, por ka akumuluar një urrejtje të jashtëzakonshme që ka nisur të derdhet rrugëve të Tiranës.
Konferencë për media.
