Deputeti i LSI-së, Petrit Vasili ka reaguar për uljen e çmimit të ushqimeve bazë në bursë, teksa në vendin tonë vijojnë të qëndrojnë të larta. Në një postim në Facebook, Vasili shkruan se bordi i qeverisë që përcakton çmimet, vetëm vjedh sëbashku me oligarkët dhe nuk i lëvizin çmimet. Sipas Vasilit, këto vjedhës meritojnë çdo dënim sepse bëjnë pazar me bukën e gojës së mijëra shqiptarëve.
Postimi i Petrit Vasilit:
Çmimet e vajit, sheqerit orizit bien ne Burse Bordi i Hajduteve vazhdon vjedhjen e popullit! Megjithse çmimet e disa artikujve, qe jane baza e ushqimit te mbijeteses per qindra e qindra mijra shqiptare, Bordi i Qeverise vetem vjedh se bashku me oligarket dhe nuk i leviz cmimet shume te larta, duke mbushur poshtersisht arken e qeverise dhe thesin e oligarkeve
Po te njejten gje ben Bordi i Vjedhesve te Qeverise edhe cmimin e naftes e cila eshte shume me e larte se Maqedoni,Mal i Zi etj. Keta vjedhes te pameshirshem meritojne cdo denim dhe burgu eshte me i pakti, sepse po bejne pazar te ndyre edhe me buken e gojes te mijra shqiptareve te varfer. SPAK vepro , ky Bord i Vjedhesve te qeverise meriton i gjithi te jete pas hekurave nje ore e me pare. SPAK ja ku i ke faktet sa nje mal, mos u bej ortak me vjedhjen me mosveprimet e tua.
