Deri më tani dy persona kanë humbur jetën si pasojë e infektimit me virusin AH1N1, i njohur ndryshe edhe si gripi i derrit.
Bëhet fjalë për Arben Sulën 48- vjec nga Elbasani i cili sipas mjekëve u paraqit përpara disa ditësh në Qendrën Spitalore Universitare “Nënë Tereza”, në gjendje të rëndë shëndetësore ku si pasojë humbi edhe jetën.
Arben Sula ndërroi jetë mengjesin e ditës së djeshme, ndërsa mjekët dyshonin se kishte qenë i infektuar me gripin e derrit, ndërkohë priten analizat që po bëhen në laboratorin e Institutit të Shëndetit Publik.
Aktualisht në QSUT janë shtruar dhe 8 pacientë të tjerë të dyshuar me këtë grip, ku 3 prej të cilëve janë në gjendje të rëndë shëndetësore.
Gjithashtu, dyshohet se edhe një person ka humbur jetën si pasojë e gjendjes gripale, që mendohet se ka të bëjë me virusin AH1N1.
