Kryeministri Edi Rama, pas vizitës dy ditore në Turqi, ka mbërritur në Greqi.
Ky lajm, është konfirmuar nga vetë Kryeministri Rama, nëpërmjet një postimi në “Tëitter”. Rama shkruan se; ka mbërritur në Athinë për një drekë pune me Kryeministrin grek, Kyriakos Mitsotakis.
Gjithashtu, Rama shprehet se; në këtë takim do të diskutohet dhe për koordinimin e mëtejshëm, sa i përket pandemisë.
Ndër të tjera, në fokus të takimit, sipas tij, do të jenë dhe forcimi i mëtejshëm të marrëdhënieve strategjike mes dy vendeve, si dhe bashkëpunimi rajonal dhe integrimin europian të rajonit tonë.
“Në Athinë për një drekë pune me Kryeministrin Mitzotakis,për të diskutuar mbi koordinimin e mëtejshëm e përbashkët kundër pandemisë; forcimin e mëtejshëm të marrëdhënieve strategjike mes dy vendeve; bashkëpunimin rajonal dhe integrimin europian të rajonit tonë.“- kështu ka shkruar Kryeministri Rama.
