Policia e Beratit ka bërë të mundur ndalimin e një 17-vjeçari, pasi gjatë një konflikti fizik ka lënduar me varësen që mbante në qafë një bashkëmoshatar.
I lënduari ka marrë mjekim në Spitalin Rajonal të Beratit dhe ndodhet jashtë rrezikut për jetën. Ndëra materialet i kaluan prokurorisë për hetime të mëtejshme.
Noftimi i policisë: Gjithashtu, nga specialistët e Seksionit për Krimet u bë arrestimi në flagrancë i shtetasit:
R. H.,17 vjeç, banues në lagjen “Uznovë”, Berat, pasi në vendin e quajtur “Pedonalja”, Berat, gjatë një konflikti fizik për motive të dobëta, ka dëmtuar me varësen që mbante në qafë, shtetasin S. D., 17 vjeç, banues në lagjen ”Barrikadë”, Berat, i cili mori mjekim në Spitalin Rajonal Berat dhe ndodhet jashtë rrezikut për jetën.
Materialet i kaluan Prokurorisë së Rrethit Gjyqësor Berat, për veprën penale “Plagosja e rëndë me dashje”.
