Kuvendi i Shqipërisë është duke zhvilluar aktualisht një takim me gazetarët që ndjekin Komisionet parlamentare dhe seancat plenare. Kjo, pasi gazetarët janë shprehur kundër sistemit të ri që nuk i lejon ata të jenë të pranishëm fizikisht në çdo Komision.
“Cilat kanë qenë rastet kur ne jemi bërë problem, që deputetët janë bezdisur nga ne?”, ka pyetur një nga gazetarët e pranishëm.
Kësaj pyetje i është përgjigjur Sekretari i Përgjithshëm i Kuvendit, Genc Gjonçaj i cili është shprehur se sistemi i ri që do të implementohet është për komoditetin e gazetarëve. Sipas Gjonçajt, sistemi i ri dhe rregullorja e re nuk i ndalon përfaqësuesit e medias të bëjnë intervista me deputetët.
“Nuk ndalohjet hyrja e kamerave. E keni gabim. Do hyni do merrni intervista. Ne kemi normuar që intervista do merret këtu, këtu ose këtu. Pra në një ambient me logon e Kuvendit, me poste specifike. Me ndriçim dhe mikorfona.
Ne nuk kemi thënë që ndalja e gazetarëve ka qenë direktivë e BE. Ne kemi thënë se implemetinmi i këtij sistemi u vjen në ndihmë gazetarëve, për të qenë më komod”, ka thënë ssekretari i Përgjithshëm i Kuvendit.
Por, për gazetarët është i panegociueshëm vendimi që ata të jenë vetë prezent në Komisionet parlamentare.
