Kryeministri Edi Rama ka prezantuar mëngjesin e sotëm një nismë që do ndërmerret për festat e fundvitit. Kryeministri me anë të një postimi njoftoi se do të jetë një garë për çmimin për fotografinë e vitit, videokërkesë, dhe urimi më i veçantë.
Ndër të tjera kreu i qeverisë shkruan se fituesit do të shpallen në një aktivitet të posaçëm në Konkursin e Vitit të Ri.
“MIRËMËNGJES dhe me prezantimin e kësaj nisme të fundvitit e me ftesën që të mendoni për një Fotografi, një Videokërkesë në shërbim të komunitetit tuaj (shkollë, lagje a qendër pune) apo edhe thjesht një Urim në https://shqiperiaqeduam.al, ju uroj një ditë të mbarë”, shkruan Rama.
Por si duket kryeministri është bërë “pishman”, pasi vetëm pak minuta më pas e ka fshirë postimin, ndoshta ishte ende herët për ta prezantuar këtë nismë.
