Një diamant mahnitës ngjyrë rozë është shitur për gati 60 milionë dollarë, më shumë se dyfishi i çmimit të pritur.
Guri i çmuar u shit për 58 milionë dollarë, të premten, sipas shtëpisë së ankandit Sotheby’s. Por pritej që të blej për rreth 21 milionë dollarë.
Diamanti 11.15 karat, i quajtur “Williamson Pink Star”, është një nga diamantet më të pastra, më rozë të dalë ndonjëherë në ankand, sipas Sotheby’s.
“Zbulimi i një diamanti rozë me cilësi të çmuar është një dukuri jashtëzakonisht e rrallë, diçka që, me mbylljen e minierës Argyle, dukej diçka shumë e pamundur”, tha Wenhao Yu, kryetar i Jewellery and Ëatches në Sotheby’s Asia.
Më pas shtoi: “Çmimet për diamantet e mëdhenj rozë me cilësi të lartë mbi 5 karat janë rritur në mënyrë eksponenciale gjatë dekadës së fundit.”
Guri i çmuar iu vendos emri duke bashkuar atë të dy diamanteve të tjerë rozë, CTF Pink Star, i cili u shit për 71.2 milionë dollarë në vitin 2017, dhe diamanti “Williamson”, një diamant rozë i dhuruar Mbretëreshës Elizabeth II.
Diamantet rozë janë disa nga variantet më të rralla, sipas Sotheby’s, dhe është i veçantë për shkak të pastërtisë dhe qartësisë së tij.
Hong Kongu ishte ndalesa e fundit e diamantit pasi udhëtoi në një turne që përfshinte Dubain, Singaporin dhe Taipein
