Deputeti i pavarur, Agron Shehaj, deklaroi në emisionin “Të Paekspozuarit” në MCN TV se Edi Rama nuk dallon shumë nga pushtetarët e tjerë Ballkanin, që marrin pushtetin për të vjedhur qytetarët.
“Mendoj që Edi Rama nuk dallon shumë nga pushtetarët e tjerë Ballkanin, që marrin pushtetin për të vjedhur qytetarët e vet. Shqipëria është nga vendet më të varfëra në Europë dhe Edi Rama vjedh qytetarët e vet.
Çudia këtu është që të gjithë, pjesa më e madhe e politikanëve kanë bërë një rritje të pasurive të tyre personale që asnjë qytetar tjetër nuk e ka bërë, veçse kush ka vjedhur me ta, ose ata që kanë bërë një punë të jashtëzakonshme. Mua më doli në rrjetet sociale një video e Edi Ramës me Fatos Lubonjën ku i thoshte se unë jetoj në një apartament të kohës së diktaturës dhe këtu do të jem edhe kur të bëhem kryeministër. Dhe sot, shikojeni ku jeton”- u shpreh Shehaj.
