Në kullat e Isa Boletinit në Boletin u promovua autobiografia e Jonuz Blakçorit, mësues dhe patriot.
Në kompleksin historik të kullave të Isa Boletini në Boletin, është promovuar autobiografia e profesorit, mësuesit dhe veprimtarit të çështjes kombëtare, Jonuz Blakçori.
Ky aktivitet u organizua pikërisht në këtë vend simbolik për shkak të lidhjeve dhe bashkëpunimit të ngushtë që Prof. Blakçori kishte me vetë figurën e shquar të historisë kombëtare, Isa Boletinin. Kullat u kthyen kështu në një hapësirë të veçantë kujtese, respekti dhe vazhdimësie të trashëgimisë sonë historike.
Në promovim morën pjesë familjarë të profesorit, akademikë, historianë dhe mysafirë të shumtë. I pranishëm ishte edhe ish-Presidenti i Kosovës, Fatmir Sejdiu.
Në fjalët e tyre, pjesëmarrësit vlerësuan lart figurën dhe kontributin e Jonuz Blakçorit, duke theksuar se ai ishte një personalitet që i dha shumë arsimit dhe atdheut, duke lënë gjurmë të pashlyeshme në historinë kombëtare.
Ky aktivitet u përcoll nga gazetari dhe realizuesi i emisionit “Gjurmët”, Lorenc Shehu, ndërsa së shpejti pritet të transmetohet në Zjarr Televizion.
