Sali Berisha është takuar gjatë ditës së sotme me banorët në Memaliaj. Gjatë takimit, një prej qytetarëve iu drejtuar Berishës duke thënë se Memaliaj është në mjerim të plotë dhe u shpreh se gabimi më i madh që ish-kryeministri ka bërë, është se ka “mbajtur gjarpërinjtë nën sqetull”.
Qytetari theksoi se vetëm Berisha e sjell Partinë Demokratike në pushtet, dhe i kërkoi ish-kryeministrit: “Mos i thuaj më Alibeaj atij, por Alibujku. Ku ka qafë ai të drejtojë PD”.
“Ke bërë gabimin më të madh që ke mbajtur gjarpërinjtë nën sqetull dhe mos i thuaj më Alibeaj atij, por Alibujku. Ku ka qafë ai të drejtojë PD. Thonë se je burrë i ligë, ke bërë këtë e atë. Kush të pruri në pushtet, populli. Nëse PD do që të vijë në pushtet, vetëm ti e sjell, asnjë tjetër. Vetëm Sali Berisha. Ti je burrë i nderuar, burrë i mirë, bën për popullin, por Shqipëria është katandisur keq. Ke shumë punë, me këta kusarë.
Memaliaj është në mjerim të plotë. PD e sjell ti në pushtet”, tha ai.
