Deputeti i Partisë Socialiste Rrahman Rraja dha sot dorëheqjen duke njoftuar se largohet përgjithmonë nga politika, dy ditë pas dhunës barbare që djali i tij, Rexhepi dhe të afërm të tjerë ushtruan ndaj vëllezërve të fisit Maja.
Por kush është deputeti që pritet të zërë vendin e Rrajës në Kuvend?
Ai është Arkend Balla, i cili në zgjedhjet e fundit parlamentare garoi nën logon e Partisë Socialiste për qarkun e Durrësit. Balla renditej i 12-ti në listë dhe arriti të marrë një total prej 2463 votash.
Rrahman Rraja njoftoi sot lënien e mandatit të deputetit, duke i bërë thirrje djalit të tij të dorëzohet në polici. Në kërkim është shpallur edhe vëllai i deputetit, Xhelal Rraja, i cili është pronari i gurores që u bë shkak për sherrin brutal.
Zjarr Tv Ad
