Ministria e Arsimit ka reaguar pas denoncimit të Partisë Demokratike se mbyllja e shkollave për tre ditë për shkak të të ftohtit, do të shkaktojë probleme te prindërit që e kanë të pamundur të kujdesen për fëmijën pasi janë në punë.
Por Ministria thotë se një nga prindërit me fëmijë të mitur do të lejohet të qëndrojë në shtëpi, pa pasoja administrative apo financiare.
Reagimi i Ministrisë:
“Nisur nga vendimi i fundit për ndërprerjen e procesit mësimor nga data 24 – 26 janar për shkak të kushteve të vështira atmosferike, nisur edhe nga eksperiencat e mëparshme ku me vendim të Këshillit të Ministrave njëri nga prindërit me fëmijë të mitur lejohet të qëndrojë në shtëpi pa pasoja administrative dhe financiare, i njëjti vendim do të aplikohet përsëri edhe gjatë javës së ardhshme”, njofton ministria.
