Një grua i merr fondacionin ish-ministrit të Punëve të Brendshme Saimir Tahirit, që tashmë është nën akuza për trafik ndërkombëtar droge dhe korrupsion.
Edi Rama, e cili e përjashtoi edhe nga grupi parlamentar i Partisë Socialiste me sa duket nuk dëshiron të ketë asnjë gjurmë me emrin e tij në fondacione që i ka krijuar vetë.
Ky është rasti, për shembull, i fondacionit ‘Qemal Stafa’, ku Tahiri mbante postin e drejtuesit, që tashmë i është dhënë nga Rama një gruaje të re në politikë, Teuta Vodos.
‘..t’i uroj punë të mbarë e sukses Teutës, që nga sot do të vazhdojë drejtimin e këtij Fondacioni kaq të rëndësishëm dhe me kaq shumë potencial në funksion të politikëbërjes së Partisë Socialiste në qeveri’, tha dje Rama.
Vodo, nga Divjaka, është emëruar nga Rama edhe zëvendësministre e Drejtësisë.
Më poshtë video kur Saimir Tahiri, Pandeli Majko dhe Edi Rama bisedonin në kafene për fondacionin ‘Qemal Stafa’:
