Gjykata e Tiranës ka vendosur pushimin e çështjes ndaj kreut të FRPD, Belind Këlliçi, i cili ishte paditur nga ish-ministrja e Arsimit Besa Shahini për shpifje.
Shahini e paditi Këlliçin në Gjykatë pasi në rrjetet sociale ai kishte hedhur akuza për shpërndarjen e tezave të maturës para provimit.
Por ish-ministrja nuk është paraqitur në 3 seancat në Gjykatë, ndaj u mor vendimi për pushimin e çështjes.
Me poshte reagimi i kryetarit te FRPD, Belind Kellici:
Besa Shahini pretendonte se në datë 11.06.2020, shtetasi Belind Kellici, Kryetar i FRPD, ka shpifur ndaj saj, duke përhapur informacion të rremë. Rrethanat e fakteve kanë të bejne me postimet dhe reagimet publike te Kellicit lidhur me nxjerrjen publike per te 7 vit rradhazi, te tezave te provimit te Matures Shteterore.
Postimet e shtetasit Belind Kellici jane shperndare nga profile te tjera ne rrjete sociale dhe portale te ndryshme ne menyre te shpejte dhe virale.
Ne seancen e 3 rradhazi sot ne Gjykate, Besa Shahini refuzoi te paraqitet personalisht dhe te provonte me fakte konkrete akuzat e ngritura prej saj. Per kete arsye, trupa gjykuese vendosi pushimin e menjehershem te ceshtjes.
