Mira Rakacolli, ishte e ftuar në Open, ku foli dhe për vaksinat, ku theksoi se; plani i vaksinimit do vazhdojë pa probleme, ndërsa nga vonesa nga Pfizer, është problem botëror.
“Kjo vjen për shkak të kapaciteteve të saj periudhe, sepse kërkesa është shumë e madhe dhe me plotësimin e kapaciteteve do kompensohet vonesa, dhe kështu besoj se nuk do ketë pengesa edhe për vendin tonë.
Vaksinimi po vazhdon ndërkohë, është e sigurt dhe doza e dyte për ata që kanë bërë të parën. Nuk do ketë ndërprerje . Siç tha kryeministri Rama jemi në komunikim të vazhdueshëm me Pfizer, që nuk na ka thënë që nuk do e respektojmë kontratën.
Arsyeja e vonëses nuk është vetëm ne por ne te gjithë botën“, ka thënë Rakacolli.
Kryeministri Edi Rama, ka sqaruar më herët se: “Shqipëria realizoi një kontratë me kompaninë Pfizer për 500 mijë doza. Kontrata u votua edhe në kuvend, siç e kërkoi kompania, por së fundmi ajo ka ndalur furnizimet për të gjitha vendet, një proces ky që ka futur në vështirësi veçanërisht ato shtete që nisën procesin e vaksinimit. Nga ana tjetër edhe kompania Astrazeneca e cila morri miratimin për përdorimin e vaksinës së saj ka ulur prodhimin duke hyrë në një debat me bashkimin evropian që po mendon të kufizojë eksportet e tyre për vaksinën”.
