Dërgimi i mesazheve elektorale në celularët e qytetarëve nga kandidatët për deputet është një fenomen i cili intensifikohet ndjeshëm ditët e fundit të fushatës. Kujtimi i të zgjedhurve për zgjedhësit, vetëm një herë në 4 vjet, sa herë janë në prag zgjedhjet, shoqërohet me një frustrim dhe reagim të ashpër të qytetarëve ndaj politikanëve.
I tillë është dhe rasti i një qytetareje nga Fieri, e cila ftesës së Gramoz Ruçit për të votuar PS-në i është përgjigjur me një gjuhë të ashpër.
“Kam 2 diploma dhe mbaruar absolute me 10 dhe më hoqi nga puna për të fut një idiot që skishte punaur kurrë më parë, ropt ku ti keni, (duhet të dal nga etika) se me ka rënë pesh të mbaj e vetme familjen dhe të pasurohen k*rvat e Fierit. Gjith të mirat”, i përgjigjet mesazhit qytetarja nga Fieri.
Disa nga sms-të e qytetarëve si reagim ndaj Gramoz Ruçit
Gramoz Ruçi: I dashur bashkëmoshatar. Mirënjohje për mbështetjen e sakrificat. Të ftoj të votosh PS në 25 prill për të ardhmen e fëmijeve, nipërve ,mbesave. I yti Gramoz Ruçi
Qytetarja Fier: Ta votoj PS se kam 2 diploma dhe mbaruar absolute me 10 dhe më hoqi nga puna për të fut një idiot që skishte punaur kurrë më parë, ropt ku ti keni, (duhet të dal nga etika) se me ka rënë pesh të mbaj e vetme familjen dhe të pasurohen k*rvat e fierit. Gjoth të mirat.
***
Gramoz Ruçi: I dashur naftëtar. E di, ke kaluar vështirsë. Por si për Shqipërisë për ty do vijojë ndryshimi. Të ftoj voto PS në 25 prill, për të ardhemn. Respekt Gramoz Ruçi.
Qytetari Fier: I dashur ish deputet flm shumë që kujtohesh për mua ditën e fundit në 8 viteve të qeverisjes tënde… suksese në jetë.
