Kryeminsitri i Kosovës, Albin Kurti, ka bërë të ditur se ka zhvilluar ditën e sotme një telefonatë me Sekretarin Amerikan të Shtetit, Antony Blinken.
Përmes një mesazhi në twitter, teksa thekson se aleanca mes Kosovës dhe Amerikës është e palëkundur, Kurti shprehet se sekretari Blinken vlerësoi bashkëpunimin dy palësh në lidhje me strehimin e qytetarëve afganë në Kosovë.
“Vlerësimi për mbështetjen dhe bashkëpunimin tonë. Kosova është e nderuar të ofrojë një mjedis të sigurt dhe të sigurt për qytetarët afganë gjatë tranzicionit të tyre. Aleanca jonë me SHBA është e palëkundur dhe miqësia jonë po bëhet më e fortë”, shkroi Kurti.
Nga ana tjetër, Departamenti Amerikan i Shtetit, përmes një deklarate të zëdhënësit Ned Price, shprehet se Sekreatari Blinken i shprehu kryeministrit kosovar falenderimet për ndihmën e dhënë në strehimin e afganëve.
Deklarata e DASh:
Sekretari i Shtetit Antony J. Blinken foli sot me Kryeministrin e Kosovës Albin Kurti për të falënderuar Kosovën për marrëveshjen e saj të hershme dhe bujare për të pritur përkohësisht individë në rrezik nga Afganistani. Mbështetja e palëkundur humanitare e Kosovës gjatë këtij tranzicioni është dëshmi e gatishmërisë dhe kapacitetit të saj për të kontribuar në paqen dhe sigurinë globale. Sekretari Blinken dhe Kryeministri Kurti vunë në dukje partneritetin e gjatë midis Shteteve të Bashkuara dhe Kosovës dhe përsëritën angazhimin e tyre për të koordinuar ngushtë në prioritetet e përbashkëta.
