Deputeti i Partisë Socialiste, Toni Gogu është parë në seancën e sotme plenare duke pikturuar. Deputeti socialist, Toni Gogu është fotografuar ditën e sotme gjatë seancës plenare në Kuvend ku në bllokun e tij të shënimeve, ndryshe nga sa mendohej, gjenden të vizatuara personazhe vizatimorë si “Pikachu”.
Duket se ashtu si kryeministri, Edi Rama , të gjithë deputetët e tjerë socialistë ndjekin të njëjtin trend sa i përket vizatimeve dhe pikturave gjatë kohës së lirë në Kuvend.
Pas mbarimit të fjalës, ai është ulur në vendin e tij dhe menjëherë ka filluar nga “puna”, duke mbushur kështu edhe kohën e lirë.
Mesa duket Gogu ka pasion pikturën, të cilën nuk e lë pas dore edhe kur është i pranishëm në Kuvend.
Gjatë seancës së sotme deputeti, duket se nuk e ka pasur mendjen tek zhvillimet politike, kriza ekonomike, apo replikat e vakta mes deputetevëe, por është përqendruar në “talentin” e tij, duke vizatuar.