Udhëheqësit e Francës dhe Gjermanisë i kanë kërkuar Vladimir Putinit të Rusisë që të zhvillojë negociata të drejtpërdrejta dhe serioze me presidentin e Ukrainës, Volodymyr Zelensky.
Emmanuel Macron dhe Olaf Scholz folën me Putinin me telefon për 80 minuta dhe i kërkuan që të ketë bisedime direkte me Zelenskyn.
“Dyshja këmbëngulën për një armëpushim të menjëhershëm dhe një tërheqje të trupave ruse”, tha zyra e kancelar gjerman.
Mësohet se udhëheqësi rus tha se Moska ishte e hapur për rifillimin e dialogut me Kievin, sipas Kremlinit. Ai nuk përmendi mundësinë e bisedimeve të drejtpërdrejta midis tij dhe homologut të tij ukrainas.
Franca dhe Gjermania i kërkuan gjithashtu zotit Putin të lirojë 2,500 luftëtarë ukrainas të marrë si robër lufte në fabrikën e çelikut Azovstal në Mariupol.
